jump to navigation

Bibingka Nang Kaka June 10, 2006

Posted by anak in Tony Pena.
trackback

Bibingka Nang Kaka 
Neng Tony Pena   

bibingka                     

maskup pa ing silim bisa neng salubung
magpalpatuk ne pu kanakung pansabung
matudtud kung intud agkatan neng tikdo
matyat ing baluktut bayu sunlag-aldo.

bayu ke ibulus ing bankang panyakag
para munta lati bayu ing magmunag
ing maplas kung dungus minum yang salabat
at mangan bibingka ketang dalan lipat.

manenaya ne pu malugud kung Kaka
karas miras karin mapaling bibingka
kaikid-ikid na kanyaman nang takman
lawen-lawen mya mu mitmu ne linamnam.

santing na salikut king balut nang bulung
ban keta ing pali maglambat king kilub
malasang pagnasa karin sasalilung
at karin pa murin lugud makalukub.

ing bulung malutung potang yang mibuklat
mibukaka ne ngan bibingka nang Kaka
kakatmu yang grasya ing salat ning gamat
talnan meng malambat malambut bibingka.


bayu me bangalan mapaling bibingka
mantikilyang kiskus paburen mung magus
king mabanglung samyo ban keta sumyo ka
pati na lagyu mu kalingwan mung lubus.
asual ning bagse ku susukdul king banka
tamuwal-tamuwalan pa bibingka nang Kaka
mababaknal na ku king salpuk ning alun
banka kung maragul e ne bisang maun.

                      

/Tony Mercado Pena

 

Comments»

1. adrielle - November 23, 2006

pls……………………………………………………………………………………………………………………………………………………………………………………………………………………………………………………………………………………………………………..say me whay is the recipe of bibingka


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: