jump to navigation

DING PEKLAT NANG ATSING BETTY June 10, 2006

Posted by anak in Renato B. Alzadon.
trackback

DING PEKLAT NANG ATSING BETTY
Basultu Neng Renato B. Alzadon
October 24, 2005

winkwiggletrish.gif

Y Atsi kung Betty dakal ya pu pera
Ila pin ding peklat karening butit na;
Agyang mapeklat ne pangaras keng moda
Eya mitatauli, mag-miniskirt ya pa.

Munta yang manyaling asan king Palengki
Maka- miniskirt ya — mamitbit yang baldi;
Pikembut-kembut ne ing buldit nang sexy
Siro-siro ya pa ing pirat nang panty.

Ketang paradahan saken, inyang misan
Mebalag ya panyu lele na ning dalan;
Inya pung duku ne king baneng damputan
Sinlag la ding aduang mabilug a bulan!

Biglang kinalabug! Mika- aksidenti!
Yang miparsalanan Y Atsy kung Betty;
Tutulak nang karu nitang mag-sorbeti
Kabud nya misapung king bakal a posti.

Ing mengapalyari atmu na kabilis
Dela re Precintu karin ya tatangis!
Pisumpa-sumpa na arapan ding Pulis
King ene misulud makuyad a tapis.

Tituananan na naman itang sinabi na
Ene mig-miniskirt manibat kanita;
Bat ngening ding peklat mitakpan lang palda
Karin ne apansin ning pa-charmingan na.

Ah, inya pin pala kakanian ya'y atsi
Maki "Crush" ya pala kening Mag-sorbeti;
Itang pakembut nang tela-lakad bibi
Dake nala pala ning kayang diskarti.

Malagwat salita ing korsunada na
Piglolon ne'y atsi, at mikaburi la;
King aldo ning kasal makaba ya saya
Ala pung makalto karetang peklat na.

Karas na ning bengi…miyasawa no man
Keta king kuartu ra, e ta no tutukian;
Uling detang sulu kabud mitda no ngan
Ding peklat nang Atsi, e ta no akit man.

Comments»

No comments yet — be the first.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: