jump to navigation

ING MANYAKLU June 10, 2006

Posted by anak in Ernie Turla.
trackback

  ING MANYAKLU
  by Ernie C. Turla

  watering.gif

  Ating metung a manyaklu queng gripu na ning kabyasnan
  Anggang binit yang bobomba para agad neng akatmwan
  Lulanan nang makasalud keng danum na ning amanu
  Oneng palang ing lata na tutulu ya, makananu?
 
  Kapilan ya sapak iti nung ing busbus na maragul
  Agyang bomba ne ping bomba keng obra na alang
 kurul
  Kabang milalamnan yayti mangayugse mu ing dakal
  Dapot e na pasayangnan ing pawas na ampong pagal
 
  Iti mengari mu pu keng gagawan da reng makudta
  A susulat alang patna ban magwagi ya'ing salita
  Ban ataluktuk de'ing sulu ning amanu tamung sisuan
  At atin lang ipamana kareng supling dang lalakwan
 
  Dapot kareting poesya nanu rugung malilyari?
  Ken lang suluk misusulmuk, makasira keng lub iti
  Ot e ro mo ipaturu deti kareng estudyanti
  Bangkanita naman lunto king atin lang silbi reti?
 
  Samantala ing salita mimina ya at matatda
  King uli ning keng iskwela e re pagamit bitasa
  Deng mang anak at pengari yugse ra nya naman ata
  Keng karelang bale mismu gagawan deng bali wala
 
  Anya dapat lingapan ya, larinan ya iting busbus
  Bangkanita e tatakas ing danum a mibubulus
  Kabud iti metakap ya masagip ing pipagalan
  Ing kabyasnan a mesaklu yuli ta't layun inuman.
 
 

Comments»

1. edr - June 10, 2006

Pedala ke pu ing poesya yu karen kaluguran ku. Ano pung kaburi. Dacal pung salamat.

2. Clarita Intal Ahmed - September 9, 2010

mumuna pu pasalamat ku king alang patna yung pamamitbit keng kapampangan language/kultura. ini pung message ku e ya direchung makapatungkul keng poecia yu nune king apansinan kung major factor ning ‘pamagtagas’ ning danum. aku pu kasi makarayu ku king pilipinas, mga 16 years na.. o’t ing pagtakan ku (at kabubwisitan), deng anak dagul pampanga/tarlac o anak adwang kapampangan… obat pakisabyan dong tagalug!? anya ngeni angga keng baryu deng anak, mag-tagalug la ngan. map la pa ding makarayu aku, ila ing mag-strive kapampangan.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: