jump to navigation

Sagakgak Ning Akdak June 10, 2006

Posted by anak in Tony Pena.
trackback

eagle_at_sea.jpg            

malalam ya saksak ing bulus ning tandus
akdak ya king gulut taglus ya king dungus
kate ning wawa da pisuglung mung bagkus
king kuskus balungus e ta na  mibugkus!

amanung belugse king kekang kapatad
akdak ya king gulut mamatad yang pusad
atdu yang mapait e ne agyung yakmul
libung basung danum e makwa keng mulmul!

mwa mung selikut ot e me pa ikutkut
ban keta ing pulut e na mikalumut
mayumung pamyabe umpisa king yamut
e ta ne pakluran, ala nang magbugnut!

e ta ya aplusan ing balbas nang Judas
basbas lugud kaya meging balasubas
pekilibe pilak ing gewa nang ablas
sagakgak ning akdak sobra ya king kaplas!

tara nang mirungut king arap ning papag
pagdamutan tamu nanu man ing apag
ditak mu ing anda, maski alang banda
tiltilan ing lugud, ibye alang angga!

mekeni na abe, e na ka maglumbe
ing buklud ning baklad pakyapusan ta ne
nung atin yang siwang keka tayang sulsyan
ban keta ding asan makatipun la ngan.

/Tony Mercado Pena

Comments»

1. anak - June 10, 2006

Kasanting na ini.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: