jump to navigation

Kapilan Tamu Migising? June 22, 2006

Posted by anak in Mar Franco.
trackback

Kapilan Tamu Migising?
Neng: Mar M. Franco,
a-21 ning Hunyu Banwang 2006

 sleep.gif

Pilan nang banwa ing panaun milabas
Nyang ding magmasakit tikdo la’t melikwas
Para mibangun ya tune magdalamat
Ing amanung sisuan king pusu ra ding lat

Uling makalunus la retang keraklan
Sisuan dang amanu dit mu man e pakang
Pablasang melasun pusu’t panimanman
Keng nasyunalismung ngeni mipairal

O makalunus-lunus!… o Balen ming tibuan!
Diritak diritak… la reng Kapampangan
A lulugud lusuk king amanu mung mal
Uling kinaul de’ing salitang nasyunal

Salamat, salamat… atin pang mitagan
Karetang pamuntuk a maki masabal
Karin San Fernando syudad mung kapital
Suli yang Lazatin mayap yang konseyal

At bilang konseyal nining syudad tamu
Migmunikala yang leyi king konseho
Ban pamanuru ring maestra’t maestru
Karelang gamitan beitan tang amanu

Malagwang salita megawa ya’ing batas
A dapat patupad kabilugan syudad
Malungkut balita kanaku miyatad
Mismung deng pengari e bisang patupad!

Gagawan dang sangkan para kareng anak
Magi lang alisto nukarin man miras
Miyaliwang lugal keti Pilipinas
Uling ing Tagalug balu re laganas

Ngeni ku atantu bakit mipakanyan
‘Nya mamamate ya ing amanung sisuan
Deng mumunang diling dapat parsalanan
Mismung deng pengari a alang masabal!

Kabalen kapilan mu kaya apansin?
Kapilan ka damdam kening panalangin
Lugud king amanu king pusu magmain
Kabalen kapilan… tamu ngan migising?

mama-heart.jpg

_________________________________________
(1) magdalamat – to stay on / to make it habitual as a e.g. makadalamat na keng katawan na ing kasipagan
(2) lat – everybody
(3) pakang – thirst for something (antimo keng inuman)
(4) salitang nasyunal – Pilipino/Tagalog was adopted and promoted as a unifying language for Filipinos
(5) Lazatin – refers to the first councilor of City of San Fernando, 2004-2007, a scion of wealthy and influential clan

Comments»

No comments yet — be the first.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: