jump to navigation

ALA KU PANG BALUNG LUGUD July 17, 2006

Posted by anak in John Manalili.
trackback

                     ALA KU PANG BALUNG LUGUD
                              John S. Manalili

 LugudAudio  Click the above picture to see the video

1.

Ala ku pang balung lugud a kalupa ning lugud mu
      Pakamalan kung kaluguran, sulu na ning bie ku
Balang penandit a abe da ka, susuku ya ing pusu ku
      E ku malyaring kumabie nung ala ka keng siping ku
Nung mirayu ka kanaku, e na ku mangisnawa,
      Inya alang pamikakunung sasabian ku keka
Uling ika kabud ing papagalo king kaladwa
      Wa pin rugu, o mate ku, nung irayu da ka.

2.

Ika ing timan keng lupa ku, atyu ka sabla kung sasabian.
     Ing pali kilub ning pusu, malan a susulud ning katawan,
Ustung kailangan kung kumiyak, ika ing gamat a tatalnan,
     Ika ing kanakung kakaulan, ing takde a sasandalan.
Ing buak mung mala seda at labi mung atmu yumu
     Balang abak, ila ring mumunang isipan ku
Ing banayad a salang  isaslag da reng mata mu
     Atyu ya  keng kakung isip, at pupupus king aldo ku

3.

Ika mu ing kakung buri, ing payung ku neng mumuran,
     Ika mu ing kailangan, ing katataulian kung bubungan.
Anggiang nanu ing malyari, at anggiang nukarin pa man
     Ing paninapang masalese ya ing pusu mung pakamalan
Inya salamat, O malagu, at pakamalan kung kaluguran.
     At kabang-kaba keng bie ku, kaku ngan ining ablasan
Keng balang gagawan ku, keng mitmung yumu at katutwan
     Uling ala ku pang balung lugud, at ala na kapilan man!

Comments»

1. josie nelson - July 22, 2006

manyaman kang manlugud
manyaman kang matudtud
mulala la reng dalaga nung
ere akakit ing kekang lugud.

I’m very impressed,I’m glad
to know an excellent poet
like you. Good luck!!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: