jump to navigation

Nanay Nene July 19, 2006

Posted by anak in Mar Franco.
trackback

              Nanay Nene
            Mar M. Franco
            July 19, 2006

nene.gif

Ing nanay kung Nene nan ke mang tingiran
Keng pamakyutus na agyang kaninu man
Kapara nang tau metung la sasabyan
Ugali tibubus dalise malalam

Bistaman ala yang marakal pibandian
Matiryal a bage malyaring pagnasan
Dapot ketang bie nang lusuk katuliran
Masampat pawaga karin mayakit ngan
Wa man kalulu ya keng bage king yatu

Bage panagimpan keraklan ding tau
Ing pepamana na mal ya agyang kenu
King bie na metangal mayap yang patutu
Ngening ala na ya nan ku mang agwantan

Malamyus nang bosis kaku yang liliwan
Deng balang amanung kayang sasambitlan
Marimla lang danum babie kapasnawan
I nanay kung Nene bistaman meko ne

Bale na king banwa layun minuli ne
Lugud at ganakang kaku na pemale
Kening panimanman karin na magsale
Salamat pu Nanay keng bie yung masampat
Salamat king lugud at lingap yung tapat
Migit keng nanu man dakal pung salamat
King pamanuring yung tune yu kung anak!

(Tribute to my beloved Mother in Law who died July 15, 2006)

 

*******************************************************

Comments»

1. anak - July 19, 2006

Mar… Makirame ku.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: