jump to navigation

Yan Mang Sukal Atin Yang Sampaga July 24, 2006

Posted by anak in Uncategorized.
trackback

Yan Mang Sukal Atin Yang Sampaga
Neng: Renato B. Alzadon

sukal.gif
Bulag yang mibait. Ngeni, manakit ne
karening mata na nitang taung minie.
Balang tengaran ning keyang panlalawe
maki kabaldugan king sirkulu ning bie.

At misan a abak king pamag-main na
busal ning mulajan a kayaga-aga
e makapanwala king atangalan na
yan mang palang sukal atin yang sampaga.

Ken ne aganaka, maguing ninu ya man
itang taung minie karing panimanman;
atin meka sabing ing kanung taung yan
marawak yang dikut, sukal ning balayan..

Bilang kaustan na matni yang mikintal
king kanuan na niti ing lagyung Kriminal
at ing parusa king dapat nang pusakal
misaldak ya king lub ding rehas a bakal.

King lub ning sukulan ken ne akilala
ing Guinung Menatbus king depat nang sala;
dininan nang tanda ing pamanisi na
pagkusan nong babie ding aduang mata na.

Kaibat nang pigdusan ing dapat nang lisya
dinatang ing aldo migkamit yang laya;
iniang king lugal na muli neng masaya
pepagdasayan de king sariling daya.

Dapot bayu ya pin lubus mewala bie
ing kayaduanan na ikua neng siglawe
king detang mata na matula nong babie
karing alang kalmang baug panlalawe.

Ing mibait bulag yang mipagkalaman
karening mata na ning pikakasaman
inya ngening atyu busal ding tanaman
agaganaka ne, agyang sukal ya man.

Nung ngara metung yang marawak a dikut
at king yatung iti sukat yang mabagut,
kasumangid na ning magaspang nang kimut
atin yang sisimpan a mayap a imbut.

King mibait bulag ngeni manakit na
tau yang king mayap biasang pajulaga ,
uling kalupa na ning apagmasdan na
yan mang palang sukal atin yang sampaga.

**************************************

Comments»

No comments yet — be the first.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: