jump to navigation

NINU Y NINOY August 25, 2006

Posted by anak in Tony Pena.
trackback

   NINU Y NINOY
  (Neng Tony Mercado Peña)

  libutad rehas kalwangnan
  mikulung ka’t miyatulan  
  king paratang kasalanan  
  e mu gewa kapilanman!   

  e mu man ikwang mitalpak    
  king marimlang dalan tarmak
  sinadya ra kang sinalmak        
  ding isip marok’t talamak!      

  piklud de man inawa mu    
  pete de man katawan mu  
  manatiling mabye pa mu  
  karing balen kaladwa mu! 

  matalik mung kapanwalan  
  ing rosaryu yang santungan
  akbung baril ning kalaban   
  siklaud yapin balu tangan!  

  king tahimik mung karinan
  milyun konfeti mumuran  
  pasalamat sasaluran            
  ing kekang bye pupugayan!

  dapot e ya pa mikutkut        
  bangke na ning mandurukut
  malulupus madadamput     
  king sarili nang bangungut!

  lulupa yapin ing bye mu     
  king  Ginu tang Jesu Kristu
  dinaun me bugtung bye mu
  mikabus la sa ring tau!         

Comments»

1. acts - February 23, 2008

Ika ing anak a malambat danang panenayan simula inyang mindatun ka kabisayan.

Ngening ikit muneng basibayu ing pakamalan tamung balen, sana metung ka karing instrumento para musbung lang pasibayu ding anak mung likwan.

Congrats keng parangal kimtan mu keng milabasan a “ALDO NING KAPAMPANGAN – 2007”

“ANAC CAMING TAGA SITIO” ACTS – STA. CRUZ


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: