jump to navigation

Pamamasyag September 6, 2006

Posted by anak in Mar Franco.
trackback

Pamamasyag
Ning Biseru, 30 Agosto 2006

 
Bustan yu pung pasyag ining panamdaman
Kening mepalyaring pamiyayaduangan
Bina kung metula’t sinlag pilubluban
Karening miyampang dakal kawatasan
 
Mitipun lang kwentu, poesia’t  pulosa
At kasalesayan misulat king prosa
Pati na ring lisyun ding mestru at mestra
At baldug katayang gingkas ding poeta
 
Ing dating mumundap a sulu ning sisuan
Ngeni mangindat neng tala ning kabengian
Amanung mikutkut king pangakalingwan
Ngeni migising ne’t tinikdo myuman!
 
Ngening ikit taneng mipakde’t mibangun
Samantalanan ta’ing modernung panaun
E tane paburen mangulapu’t laun
At layun mabaldug keng marimlang aun!
 
Ing maslag nang sulu itas te libutad
Maldang kapampangan miyaliwang labuad
E ta la paburen deng salasalibad
A malyaring sintang kareng mal nang palad!
 
Ding suging poetang migsilbing timbulan
Sinaup pegato keng amanung sisuan
Pakisuguan tala at e paimburisan
Ban ing kapampangan mye ya kapilanman!

Comments»

No comments yet — be the first.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: